Sali Berisha doli sot para mediave në një konferencë të gjatë për mediat. Reforma në Drejtësi, Përgjimet dhe Droga ishin tre pikat kuçe për të cilat foli dhe për të treja akuzoi Ramën dhe Tahirin. Berisha u shpreh pozitivisht për Ilir Metën.
Ish-Kryeministri i bëri thirrje Presidentit Bujar Nishani që të mbledhë Këshillin e Sigurisë Kombëtare, pasi situata sipas tij është alarmante për shkak të përgjimeve që sipas demokratit ka urdhëruar kryeministri Edi Rama.
Berisha i ka drejtuar një paralajmërim Ramës i pyetur nëse do ketë rrjedhje votash nga opozita për të votuar reformën në drejtësi. “Asnjë rrjedhje vote kam shumë besim tek demokratët. I dënoj përpjekjet e Edi Ramës si përpjekje primitive të turpshme dhe destabilizuese për vendin.
Mos i impono opozitës të marrë vendime të tjera që në mënyrë absolute do kenë cmime shumë të larta. S’ka diskutim, opozita do marrë vendimet e saj”, vijoi ai.
Lidhur me përgjimet, tha: “është duke përdorur Italinë mike si mburojë për veten e tij”.
“dhe ky përbën një akt shumë të rëndë, të dënueshëm dhe i them Edi Ramës se kurrë nuk do të shpëtosh nga ky skandal, gabimi yt fatal është të përdorësh Italinë si mburojë se ky përgjim është vepër e jotja me mercenarët e tu në Drejtorinë e Policisë. Një maniak i vërtetë i përgjimeve”.
Pyetje nga gazetarët
Si e konsideroni rolin e Ilir Metës?
Politika është politikë, ai luajti rol të qartë pozitiv, jo për PD, por për pozicionin që ka dhe për interesat e partisë së tij, por roli i tij është qartësisht pozitiv, po përpiqet të përdorë atë pushtet që ka për të votuar reformën.
Ka feeling (terheqje) mes jush?
Jo s’është ajo, po nuk mund të jetë njeriu fundamentalist si ky, që thotë vijë të kuqe..
Rama ka urdhëruar të shqyrtohen vendimet gjyqësore të gjykatësit në një kohë që Kushtetuta ka përcaktime të qarta se kush duhet të shqyrtojë…
Lajme rreth së njëjtës temë:
Berisha sulmon ashpër Çipën: Ja me kë është i lidhur
“Babai i Tahirit, trafikant, kontrollon drogën tek Lugina e Vjosës”
