Në një qendër votimi në Qesarakë të Dajtit, afër vendbanimit të tij në Surrel, kryetari i PS-së, Edi Rama votoi për referendumin e shpallur për veten e vet.
Duke folur më pas për mediat, ai tha se ky është një moment i rëndësishëm për socialistët, ndërsa shprehu ambicien për rritjen e anëtarësimeve në 150 mijë vetë.
“Pavarësisht se moti nuk ishte në mbështetje të pjesëmarrjes, unë kam besim se sot anëtarësia do të shfrytëzojë këtë instrument demokratik për t’u shprehur për një çështje të brendshme të PS-së, që nga ana tjetër tregon se është forcë transformuese jo vetëm në qeverisjen e vendit po dhe në demokracinë aktive të brendshme. Kjo është hera e pare dhe jo e fundit që ne do të përdorim këtë instrument, referendumin, për të zgjeruar hapësirat e vendimarrjes dhe aksesin në vendimarrje të çdo anëtari të partisë sonë në një proces me rëndësi të veçantë se PS-ja është rihapur dje po zgjerohet dita ditës, po rritet me anëtarë të rinj.tha kreu i PS-së”, tha Rama.
