Referendumi online i partisë “Lëvizja 5 Yje” në Itali mbështeti koalicionin e saj qeverisës me Partinë Demokratike.
Rezultatet e votimit ishin, 79.3% pro bashkimit të forcave me rivalët politikë të Partisë Demokratike, ndërsa 20% kundër kësaj aleance. Në votim morën pjesë rreth 80 mijë anëtarë të Lëvizjes.
Tashmë kryeministri Conte e ka rrugën e hapur për të krijuar listën me emrat e kabinetit të ri qeveritar që do t’i dërgojë presidentit Mattarella.
“Jam shumë i lumtur me votimin e sotëm dhe krenar me qeverinë e re që do të krijohet në ditët e ardhshme”, deklaroi lideri Di Maio pas numërimit.
Pasi presidenti Mattarella të pranojë kabinetin e Conte, kryeministrit i duhet të fitojë votëbesimin në të dyja dhomat e parlamentit përpara se qeveria e re të nisë zyrtarisht nga puna. /Opinion.al
