Pas ngjarjeve të fundit që kanë ndodhur në Spanjë ku Katalunia kërkoi zhvillimin e referendumit për të marrë pavarësinë nga Spanja. Pas 3 ditëve të rrëmujshme mbreti i Spanjës, Felipe i VI-të, i ka dënuar organizatorët e referendumit për pavarësi në Katalonjë, duke thënë se ata e kanë vënë vetveten “jashtë ligjit” dhe ka kërkuar nga autoritetet shtetërore që të mbrojë “rendin kushtetues” në këtë rajon veriperëndimor të Spanjës.
Gjatë fjalimit të mbrëmshëm televiziv, Mbreti i Spanjës ka kërkuar unitet, duke thënë se situata në vend po ballafaqohet me krizë “shumë serioze”.
Njëherësh, qindra mijëra njerëz kanë dal në rrugët e Barcelonës, që është kryeqytet i Katalonjës, për të protestuar kundër dhunës policore gjatë referendumit të mbajtur para tri ditësh, ku edhe sipas raportimeve të mediave janë lënduar qindra vetë.
Protestuesit i bllokuan rrugët në Barcelonë, ndërsa shërbyesit civilë e ndalën punën pas ftesës së grupeve për pavarësi në rajon, pasi policia e Spanjës me forcë ishte përpjekur për t’i mbyllur qendrat e votimeve gjatë referendumit.
Me këtë grevë janë prekur sektori publik, ai i transportit dhe shërbimet themelore në Barcelonë.
Po ashtu në shenjë të mbështetjes për grevë, klubi i njohur i futbollit, Barcelona, e ka pezulluar stërvitjen.
Autoritetet e Katalonjës thonë se 2.2 milionë njerëz votuan në referendum, ndërsa 90% prej tyre e kanë mbështetur pavarësinë. Ndërkohë Gjykata Kushtetuese e Spanjës e kishte ndaluar mbajtjen e referendumit. /Opinion.al
