Ka nisur në të gjithë vendin referendumi për ratifikimin e shkarkimit të Lulzim Bashës si kryetar i Partisë Demokratike.
Ndërkohë është zbuluar edhe fleta e votimit përmes së cilës anëtarët e PD do të votojnë për shkarkimin e Lulzim Bashës. Sikurse duket në foto me logo dhe vulë të re, fleta e votimit i jep dy mundësi demokratëve, të konfirmojnë ose jo me referendum largimin e kryedemokratit.
Më herët në një njoftim për mediat Komisioni i Organizimit të këtij referendumi njoftoi që materialet zgjedhore janë shpërndarë dhe administruar nga të gjithë komisionet përkatëse në të 106 Qendrat e Votimit në të gjithë vendin./Opinion.al
