Shpëtim Redo është një shqiptar nga Dibra, i cili prej vitit 2012 jeton në Kenia. I ftuar në studion e emisionit “Opinion”, Redo tha se në Nairobi janë të paktën 10 familje shqiptare që jetojnë prej disa vitesh.
Aika rrëfyer se është larguar nga Shqipëria në mënyrë ilegale në gusht të vitit 1990, ndërsa ka marr me vete një copë dhe na toka e tij, të cilin e mban gjithmonë me vete në një qese, që nga koha kur është larguar.
Ndërsa ka treguar udhëtimin e tij, Redo tha se në fillim është vendosur në Austri e më pas në Kenia. Ndër të tjera ai tha se pasi kishte hapur biznesin e tij në Austri, ka përfunduar edhe universitetin në moshën 46-vjeçare.
“Ka qenë data 25 gusht, festa e Dibrës. Bashkë me një shokun tim, atëherë kam qenë 19 vjeç vendosëm të iknim. Ai kishte kryer ushtrinë, unë akoma nuk e kisha mbaruar. Është një fshat Maqellarë dhe dinim që pas atij mali ishte Jugosllavia. Kaluam kufirin në ish-Jugosllavi, ku u dorëzuam në polici, Aty na mbajtën 3 ditë, më pas na çuan në Shkup, nga Shkupi në Beograd. Mjerisht shokun me të cilin unë ika, e kthyen. Të gjitha pyetjet në ish- Jugosllavi ishin rreth ushtrisë. Ndërkohë në Austri pyetjet që na bënin ishin: opera e parë shqiptare kush ishte, ose Teatri i Operas dhe Baletit kë ka përballë. Unë një herë kisha qenë në Tiranë në klasën e shtatë. Në Austri shkurtimisht më thanë që t’i shkruaj familjes, të shohim nëse do të kthejnë përgjigje. I shkruajta familjes dhe më kthyen përgjigje. Këtu u bë një dasmë e madhe, sepse e morën vesh që isha gjallë. Si përfundim aty vazhdova procedurat e azilit, por nuk mora azil politik. Në Austri ndejta deri në vitin 2012. Si fillim bëra një shkollë profesionale përsa i përket hotelerisë. Pastaj hapa biznesin tim dhe më pas vazhdova dhe universitetin, ndonëse në moshë pak të madhe. Në moshën 40 e ca vjeç fillova universitetin për shkenca politike dhe kam mbaruar masterin, 46 vjeç. S’kam bërë punë me të asnjëherë, jam marr me biznes”, tregoi Redo i cili shtoi se më pas për shkak të angazhimit të bashkëshortes së tij juriste, në vitin 2012 u shpëngulën në Kenia./Opinion.al
