Pas përfundimit të eliminatoreve të ekipit kombëtar U-21 dhe rezultateve jo të mira të arritura, vjen lajmi për largimin e parë nga ekipi.
Trajneri i U-21,Redi Jupi, ka deklaruar ditën e sotme për mediat se jep dorëheqjen e tij nga ky post, duke sqaruar se ky largim i befasishëm nuk lidhet me rezultatet e ekipit që ai drejtonte.
Sipas tij, ai nuk do të jetë më trajner për këtë skuadër pasi i ka mbaruar kontrata dhe nuk ka pasur lëvizje për rinovim.
“Nuk jam më trajner i kombëtares u-21 për shkak se kontrata ime me FSHF-në ka përfunduar. Nuk është e vërtetë që kam dhënë dorëheqjen”, tha Jupi.
Në ndërkohë FSHF ende nuk ka dalë me një deklarata për të qartësuar më shumë rreth largimit të Jupit.
