Rebelët sirianë kanë rrëzuar një helikopter rus me 5 persona në bord, i cili po kthehej në bazë, pasi kishte dërguar ndihma humanitare në qytetin Aleppo në Siri.
Lajmi bëhet i ditur nga Ministria Ruse e Mbrojtjes, ku përmes një deklarate theksohet se helikopteri Mi8 është qëlluar nga terreni në provincën Idlib.
“Më 1 gusht, një helikopter transporti Mi8 është qëlluar nga terreni në provincën Idlib, pas dërgimit të ndihmave humanitare në qytetin e Aleppo. Tre anëtarë të ekuipazhit dhe dy zyrtarë nga Qendra e Pajtimit rus në Siri ishin në bord”- thuhet në deklaratën e Ministrisë së Mbrojtjes.
