Reality show holandez, ” Kush është i infiltruari” është xhiruar në Shqipëri. Lajmi është bërë i ditur nga kryeministri Rama në rrjetin social “Facebook”.
Bëhet fjalë për 12 seri që janë xhiruar në vendit tonë. Në videon e shpërndarë nga kryeministri Rama prezantohet dhe promovohet Shqipëria. “Kush është i infiltruari është xhiruar në Shqipëri. Një shtet në Ballkan mbi Greqinë në bregdetin Jon dhe Adriatik. Atje fillon kërkimi intensiv për të gjetur të infiltruarin.”, thuhet në video.
Ndërkohë, Kryeministri shkruan se promovimi i vendit tonë përmes këtij filmi pritet të sjellë një dallgë të pazakontë turistësh holandezë vitin e ardhshëm.
“U zbulua sot në Holandë sekreti i sezonit të ri të reality shoë -t të famshëm holandez, “I infiltruari”, i cili këtë vit është xhiruar në vendin tonë me plot 12 seri, që janë promovimi më fantastik i bukurive magjepsëse të vendit tonë dhe do t’i tregojnë publikut holandez një Shqipëri krejt tjetër nga ajo e stereotipit të krijuar në kaq shumë vite për atdheun e shqiptarëve.
Kur trupa e xhirimit erdhi në Shqipëri për hulumtime, mundësia që vendi ynë të zgjidhej ishte fare e vogël, por në fund të qëndrimit të tyre pak ditor këtu, ata ishin 100% të bindur për Shqipërinë si vendi ideal për spektaklin e tyre. Shkurt llafi, përgatituni për një dallgë të pazakonshme turistësh holandezë sezonin e ardhshëm”, shkruan Rama./Opinion.al
