Real Madrid-i ka fituar Ligën e Kampioneve numër 12 në historinë e tij dhe mbi të gjitha arriti të mbrojë atë të fituar një sezon më parë duke vazhduar mbretërimin në Europë. Një arritje që u përshëndet nga shtypi botëror, e madje edhe nga ai katalanas. E vërtetë!
Vetë “Mundo Deportivo” e ka përshëndetur performancën e Merengues: “Zidane historik”, shkruan në faqen e saj të parë e përditshmja sportive katalanase: “Me francezin Real fitoi dyshen historike”.
Shtypi portugez, ashtu siç pritej, përqendrohet tek shpërthimi i djalit të Madeira-s: “Një kërcim për përjetësinë!”, shoqëruar me një foto të Cristiano Ronaldo-s duke festuar golat e tij të së shtunës.
Ronaldo feston edhe në kopertinën e “O Jogo” që përmbledh gjithçka në një fjalë të vetme ”Legjendë!” “Real është ekipi i parë që ka mbrojtur titullin e tij në Champions”
Aspak për t’u çuditur me titujt bombastikë të shtypit madrilen: “Mjeshtër i universit”, shkruan “Marca”. “La duodecima e të pangopurve”, shkruan ndërkohë “AS”.
Ndërkohë, e ndryshme qasja e shtypit italian: “Mallkimi! Buffon në lot! Nuk ka tre-trofe për Juve-n”, ankohet “La Gazzetta”.
“Zinedine Zidane trajneri më i suksesshëm edhe se Zinedine Zidane lojtari”, shkruan britanikja “The Guardian”.
Dhe në fund “L’Equipe” me titullin “JOREAL MADRID”, me një performancë befasuese në skenën më elitare për klube në Europë pavarësisht një Juventus-i që konsiderohej “i pathyeshëm”.
