Xabi Alonso do të jetë trajneri i ardhshëm i Real Madrid, të paktën sipas asaj që raportohet nga “Relevo”.
Në Spanjë e bëjnë të kryer zgjedhjen e madrilenëve dhe marrëveshja mes klubit dhe Alonsos duket një hap larg.
Palët kanë dhënë dritën jeshile për të bashkëpunuar mes tyre, duke filluar nga verë. Në Botërorin e klubeve, Reali do të drejtohet nga Santiago Solari, i cili do të jetë si trajner i përkohshëm.
Trajneri aktual, Carlo Ancelotti do të largohet menjëherë pas përfundimit të këtij sezoni, për të marrë në Qershor drejtimin e Brazilit. Sa i përket Alonsos, ai ka një klauzolë largimi prej 20 milionë Eurosh te Leverkusen, por për shkak të marrëdhënieve të mira me drejtuesit, pritet të dalë i lirë dhe të nisë aventurën te Reali.
