Real Madrid arriti të fitonte me vuajtje, në shtëpi ndaj Levantes. Në pjesën e parë, skuadra e drejtuar nga Zinedine Zidane shënoi tri herë me Benzema (20’ dhe 31’) dhe Casemiro (40’), por në pjesën e dytë treguan dobësi në fazën mbrojtëse duke pësuar dy gola dhe duke rrezikuar të pësonin edhe të tretin.
Ishte pikërisht Courtois, ai që arriti të shmangte “tragjedinë” në minutën e 91.
Mayora shfrytëzoi një rreshtim të gabuar të mbrojtjes madrilene në fillim të pjesës së dytë, duke ngushtuar diferencën në 3-1, ndërsa Melero hapi ndeshjen në të 75-ën, për të bërë edhe më emocionuese sfidën në fundin e saj./ Opinion.al
