Skuadra e Real Madrid është gati të ofrojë 200 milionë euro për të marrë Kylian Mbappe nga Paris SG.
Sipas “Don Balon”, presidenti ‘Los Blancos’, Fiorentino Perez është gati që të heq dorë nga blerja e Neymar në verë dhe të transferojë Mbappe duke i ofruar Paris SG rreth 200 milionë euro.
Skuadra e Real Madrid kërkon të forcojë sulmin për sezonin e ardhshëm për shkak se Gareth Bale dhe Benzema mund të largohen në merkaton e verës dhe mund të ngelë vetëm me Cristiano Ronaldon, i cili mbushi 33 vjeç.
Mbappe u kërkua edhe verën e vitit të kaluar nga Real Madrid, por skuadra e Paris SG i rriti çmimin lojtarit në 180 milionë duke bërë që madrilenët të tërhiqeshin.
Kylian Mbappe ka dhënë njëmbëdhjetë asiste dhe ka shënuar 21 gola në të gjitha garat këtë sezon për kampionët e Francës.
