Zyrtarisht janë 50 të arrestuar për protestën e opozitës, ditën e shtunë. Sipas policisë së Tiranës gjatë protestës para Kryeministrisë dhe më pas në rrugën “George W. Bush” si dhe tek Drejtoria e Policisë, pjesëmarrësit në tubim kanë kundërshtuar, goditur me mjete të forta, fishekzjarre, tymuese dhe sidomos tek Kryeministria e Parlamenti me bomba molotov efektivët.
Nga dhuna e ushtruar nga protestuesit, theksohet në deklaratë, 16 punonjës të Policisë kanë mbetur të plagosur.
“Në të gjitha ambientet e përmendura protestuesit si pasojë e përdorimit të bombave molotov, fishekzjarreve, kapsollave e sendeve të tjera kanë shkaktuar dëme të konsiderueshme si tek dyert dhe ambjentet e Kryeministrisë, të selisë së Kuvendit, tek selia e seancave parlamentare, tek dyert e Ministrisë së Brendshme, kane thyer e shkatërruar ambientet e disa subjekteve private e publike, si dhe tek godina e Kryeministrise kane hedhur bojë ne pjesen e murit nga ana e Bulevardit. Bazuar në prova, pamje filmike, raporte shërbimi u arrestuan në flagrancë 50 persona, për kryerjen e veprave penale “Kundershtimi i punonjësit te policise se rendit publik”, “Goditje për shkak te detyrës” “Prishja e qetesise publike”, “Shkaterrimit te prones me zjarr” dhe “Shkelja e rregullave mbi lendet plasese, djegese dhe radioaktive””, thekson policia.
Ndërkohë në total janë 84 persona të proceduar, mes të cilëve ish-deputetët Gent Strazimiri, Flamur Noka dhe sekretari i Përgjithshëm i Partisë Demokratike, Gazment Bardhi./ Opinion.al
