Familja e Alma Arrazit kanë reaguar për herë të parë në media, ku kanë dhënë versionin e tyre në lidhje me ngjarjen e rëndë të ndodhur në qytetin e Shkodrës.
Babai dhe motra e Alma Arrazit janë shprehur se e kishin paranderë një fund të hidhur të martesës së saj, ndaj e kishin paralajmëruar që vajza të hiqte dorë nga Erdgysi.
Në një deklaratë për VoxNews, motra ka treguar se ishin në dijeni të të gjitha situatave që kishin ndodhur brenda 4 mureve ku jetonte Alma, Erdgysi dhe 3 fëmijët e tyre të mitur.
Gjithçka kishte nisur shumë kohë më parë. Kur Erdgysi krijon një lidhje jashtëmartesore me një vajzë shumë më të re se ai.
Lidhje e cila vetëm sa u mor vesh nga bashkëshortja dhe u ndërprenë pas. Por kulmi do të ishte një tjetër lidhje e krijuar nga Ergysi, me një vajzë 18 vjeçare, prej kohësh ai bënte një jetë të dyfishtë.
Motra e Almës, Genta ishte prej kohësh në dijeni të jetës që bënte bashkëshorti I saj, por kishte vendosur ta pranonte për hir të dashurisë dhe për hir të fëmijëve.
Genta e përshkruan kunatin e saj, Erdgysin, si një njeri të çuditshëm. Ndryshe kishte marrëdhënien me bashkëshorten, pra të motrën e saj, e ndryshe kishte marrëdhënien me fëmijët. Ai, sipas të gjithë familjes Bushati, i donte shumë ata.
Por dashuria për të shoqen ishte zbehur ndër vite. Jashtë kamerave, babai i Almës, Azem Bushati, thekson:
“I thashë vajzës sime, ti po e shikon që ai nuk të do më. Lëre të vazhdojë jetën e tij dhe ti vazhdo tënden. Por ajo më tha se nuk mundej ta merrte një vendim të tillë, pasi nuk vijmë nga një familje që ja bëjmë merr një e lësho një. Ne jemi mësuar që të vdesim me atë që martohemi. I thashë që bën mirë të marrësh një hap sa nuk është vonë, pasi histori të tilla, nuk përfundojnë mirë”.
Mesa duket babai ka parandjerë një fund të hidhur.
Kohëve të fundit, sipas dëshmisë së Gentës, e motra e saj kishte përjetuar stres, të shkaktuar nga lidhja që bashkëshorti i saj kishte me një vajzë tjetër. Madje ndër bisedë tregon për ardhjet e saj në Tiranë, dhe se si Erdgysi, sa herë që largohej ajo së bashku me fëmijët, vinte dhe e kërcënonte, duke i thënë se fëmijët nuk janë të saj.
“O më nxirr fëmijët o ju vrava të gjithëve”, shprehej ai.
E megjithatë, përtej këtyre sfidave, Alma kishte vendosur të rikthehej përsëri. Dhe të vazhdonte të qëndronte në shtëpinë e një njeriu që nuk e donte dhe respektonte.
Së fundmi ata jetonin në dhoma të ndara. Ndërsa ka patur jo pak raste, sipas asaj që Alma i rrëfente së motrës, që Ergysi e ofendonte dhe e fyente.
Kulmi kishte arritur muajin e fundit, kur në telefonin e bashkëshortit tësaj, kishte gjetur videot me 18-vjeçaren, me inicialin A.
Për lidhjen e Ergysit kishin qenë në dijeni të gjithë familjarët e tjerë të tij. Madje edhe kunata që ishte e fundit që takoi në kafene, Alma.
Në një bisedë që ka pasur me Gentën, ajo i ka treguar se si në momentin e fundit, përpara lokal “Panorama”, kalon Ergys Arrazi së bashku me të dashurën e tij. Gjë që mesa duket ka ndikuar në përkeqësimin e gjendjes shpirtërore të Almës. Duke e dërguar ndoshta edhe drejt një vendimi fatal.
Por si mësuan familjarët për zhdukjen e Almës me fëmijët?
Genta: “Ishte ora 22 e datës 1 maj, kur Eri (Ergysi) më mori në telefon dhemë pyeti nëse im vëlla ka marrë Almën për të shkuar në Durrës. E pyeta pse a nuk ka ardhur Alma në shtëpi. Më tha jo. Menjëherë mora tim vëlla dhe mu përgjigj nipi. E pyeta nëse ka ardhur halla dhe më tha jo.
Pyeta edhe vëllain nëse kishte folur me të. Provova ta merrja në telefon dhe telefoni i dilte i fikur. Nuk ka ndodhur asnjeherë që Alma të rrijë gjatë pa folur me mua. Vetëm atë ditë kemi folur më pak se çdo here tjetër./ VoxNews
