Deputeti i Partisë Demokratike, Agron Shehaj, ka reaguar pas përplasjes në Komisionin e Ekonomisë të enjten paradite me kreun e këtij komisioni, deputetin socialist Erion Braçe.
Përmes një shënimi të shkurtër në rrjetin social Facebook, Shehaj ka reaguar për herë të parë për atë që ndodhi brenda sallës në Kryesinë e Kuvendit.
Ai shkruan se pasi kërkoi fjalën në Komisionin e Ekonomisë, ajo i është mohuar për të disatën herë nga kryetari i saj, ndërsa thekson se fjala s’mund t’i ndërpritet opozitës.
Më tej, deputeti i PD-së, thekson se pasi fjala u mohua dhe pas fyerjeve të papranueshme, i është kthyer duke i thënë se, “je një hiç që ke 27-vjet që jeton në kurriz të njerëzve dhe vazhdon t’u marrësh shpirtin”.
Sipas tij, Braçe nuk ka punuar asnjë ditë në jetën e tij dhe duhet t’i vijë turp pasi është i pangopur.
Shehaj: Kërkova fjalën në Komisionin e Ekonomisë dhe u mohua për të disatën herë nga kryetari i saj. I thashë atij se s’mund të ndërpresë fjalën e opozitës. Pasi u mohua dhe pas fyerjeve të papranueshme, iu kheva duke i thenë se “je një hiç që ke 27 vjet që jeton në kurriz të njerëzve dhe vazhdon t’u marrësh shpirtin. Nuk ke punuar asnjë ditë në jetën tënde. Të të vijë turp, i pangopur.
Mësohet se debati nisi teksa diskutohej mbi organet e Vettingut, ku e pranishme ishte dhe ministrja e Drejtësisë, Etilda Gjonaj.
Aty ka ndërhyrë deputeti i PD, i cili ka thënë se këto organe nuk do të jenë të pavarura, dhe pas kësaj deklarate situata është tensionuar.
Shehaj i thotë Braçes: Nuk ke punuar asnje dite, je i pangopur.
Ndërsa Braçe me fjalor rruge ia kthen: Ik se s’më ha k… fare…
