Kryetari i Lidhjes Demokratike të Kosovës Isa Mustafa, ka reaguar ndaj deklaratës së kryetarit të Lëvizjes Vetëvendosje Albin Kurti, se datën për formimin e qeverisë e përcakton LDK-ja. Në një reagim në rrjetet sociale, Mustafa thekson se LDK nuk cakton data.
LEXO EDHE- Albin Kurti: Datën e formimit të qeverisë nuk e përcakton Thaçi, por LDK
“Datat i cakton subjekti që del i pari në zgjedhe, ai që e merr mandatin për formimin e Qeverisë. Por, LDK insiston që sa më parë të kemi formim të institucioneve dhe kjo nuk do të thotë se LDK domosdoshmërish do të bëhet pjesë e qeverisë”, ka shkruar Mustafa.
Po ashtu kreu i LDK-së në reagimin e tij ndaj Kurtit ka shtuar se VV-ja nuk e konsultuar LDK-në për zgjedhjen e Glauk Konjufcës, për kryetar të Kuvendit.
Lëvizja Vetëvendosje dhe Lidhja Demokratike e Kosovës nuk kanë arritur një marrëveshje për koalicion qeverisës para konstituimit të përbërjes së re të Kuvendit të Kosovës, që ndodhi më 26 dhjetor. Në zgjedhjet e 6 tetorit, Lëvizja Vetëvendosje doli partia e parë, pasuar nga Lidhja Demokratike e Kosovës./ Opinion.al
