UEFA ka publikuar ditën e sotme stadiumet ku do të luhen finalet e ardhshme evropiane.
“Arena Kombëtare” u refuzua sërish, pasi ishte kandidate për Supërkupën e Evropës të vitit 2020, por UEFA vendosi që ajo të luhej në stadiumin “Estadio de Dragao” në Portguali.
Menjëherë pas kësaj ka reaguar FSHF-ja ku ka thënë se Shqipëria ka marrë vlerësimet e saj maksimale , por pas refuzimit do të tentojë sërish vitet e ardhshme.
“‘Arena Kombëtare’ do të hapë dyert në tremujorin e parë të vitit të ardhshëm, dhe do të jetë sërish një kandidate për të mikpritur skuadrat kampione të Europës në një finale Superkupe. FSHF është shumë e angazhuar që të sjellë në kryeqytet një event të tillë dhe për këtë sërish do të futet në garën e marrjes së organizimit të finales, për edicionet e tjera” ka shkruajtur Federata Shqiptare.
Gjithashtu Federata Shqiptare shkruar se ‘Arena Kombëtare’ është pozicionuar në tre vendet e para në sistemin e pikëve, duke mbetur kështu një kandidate potenciale për më tej.
