Familja e DJ suedez, Tim Bergling, i njohur si Avicii që u gjet i vdekur javën e kaluar në Oman ka thënë se ai po luftonte me jetën dhe nuk e kishte të gjatë.
Në komentet e para për vdekjen e 28-vjecarit, shkaku is ë cilës nuk dihet, familja tha në një deklaratë: “Timi ynë i dashur ishte shumë kërkues, një shpirt artistik që kërkonte përgjigje për pyetjet ekzistenciale.
Kur ai ndaloi turneun, donte të gjente një ekuilibër në jetë për të qenë i lumtur dhe të ishte në gjendje të bëjë atë që ai e donte më shumë, muzikën. Ai me të vërtetë luftonte me mendimet për jetën dhe lumturinë.
Ai nuk mund të vazhdonte më. Ai donte të gjente paqe. Tim nuk ishte i lindur për botën e biznesit ku gjeti veten. Ai ishte një djalë i ndjeshëm, i cili i donte fansat e tij, por dëshironte vetëm të shmangte vëmendjen.
Tim, do të jesh përgjithmonë me ne, edhe pse fatkeqësisht ke ndërruar jetë. Personi që ishe dhe muzika jote do të mbajnë gjallë kujtimin për ty . Të duam!”
Dihet se DJ Avicii ka sjellë hite ndërkombëtare si “Wake Me Up” dhe “Hey Brother”.
