Familjarët e 30-vjeçares që humbi jetën disa ditë pasi solli në jetë fëmijën e saj kanë akuzuar mjekët e maternitetit “Koço Gliozheni” në Tiranë, për neglizhencë.
Kunata e të ndjerës është shprehur se 30-vjeçares nuk i është bërë asnjë shërbim dhe pasi i ka dalë efekti i gjilpërës, pas lindjes ka pasur dhimbje të forta.
“Nuk ju është bërë shërbim. Ka shkuar në spital në 3 të natës dhe ka lindur në 3 pasdite. Nuk ka pasur asnjë shqetësim më përpara. Ka pasur dhimbje brinjësh dhe këmbësh.
Faji është i doktorit, i ka bërë gjilpërë shumë. Ta fusnin në sallë te operimit nëse nuk kanë pasur mundësi me bërë lindje. Mjekët duan lekë. Kishte dhimbje këmbësh na tha se po më del efekti i gjilpërës. Dhe kishte dhimbje të forta, njërën këmbë nuk e ndiente”, tha ajo jashtë kamerave./Opinion.al
