Djali i kryetarit të Bashkisë së Vaut të Dejës, Edjon Hila mohon që të ketë kërcënuar sekretarin lokal të Partisë Socialiste, Agron Ceka.
Ai shkruan se është i habitur me deklaratën e bërë nga Ceka, duke theksuar se e njeh atë personalisht. Ndërsa pranon takimin me të pranë banesës së denoncuesit, Edjon Hila thotë se deklarata është e nxitur për shkak të afrimit të fushatës elektorale.
Sekretari për Mediat dhe Cështjet sociale i PS Vau Dejës, Agron Ceka bëri denoncimin publik ndaj djalit të kryebashkiakut duke pretenduar se ka marrë prej tij një kërcenim, mesditën e djeshme.
Reagimi i plotë:
Sqaroj opinionin publik, mediat, miqte qe me kane telefonuar qe ne oret e para te kesaj te diele, se nuk kam asnje lidhje me deklaraten e bere publike nga Agron Ceka.
Ne lidhje me rastin qe pretendon Agroni kam bere deklarimin tim ne Komisariatin e Policise Vau Dejes, ku eshte e shkruar e zeza mbi te bardhe, dhe nuk ka pasur asnje lloj kercenimi.
Sa i takon takimit tone nje dite me pare, po ju sqaroj ne detaje: ” E kam telefonuar duke i kerkuar nje takim, me tha qe ishte ne shtepi ne fshatin Kosmaç. I kerkova te pinim nje kafe por e refuzoi per shkak te keqinterpretimit qe mund te krijohet ngaqe eshte Drejtor i Shkolles Pyjore ne Shkoder.
E mirekuptova dhe u takuam pak metra para baneses se tij.
E njoh personalisht, dhe jam i habitur per kete deklarate.
Megjithate duket qarte se kjo deklarate e nxituar eshte per shkak te afrimit te fushates elektorale.
Theksoj se me Agronin, nuk kam pasur asnjehere asnje keqkuptim, debat ose ndonje konflikt. Duke pasur parasysh figuren e tij prej nje mesuesi qe jep kontributin e tij cdo dite ne edukimin e brezit te ri ngela i shokuar nga keqperdorimi i tij pasi sic me kane informuar mbreme ka bere nje kallezim ndaj meje , ku po te hapen kamerat ne Komisariatin e Policise Vau-Dejes, shihet qarte qe nuk eshte vendim i tij personal por i partise qe ai perfaqeson pasi brenda ne komisariat e shoqeronte edhe Kryetari i PS Vau-Dejes.
Ftoj Prokurorine qe te hetoje ne lidhje me kete rast pa u ndikuar politikisht, nderkohe qe per Agronin kam nje keshille miqesore, mos bie pre e politikes per interesa te ngushta meskine.
Miqesisht Edjon Hila
