Rrjeti i Monitorimit kundër Dhunës me Bazë Gjinore ka reaguar për rastin e Xhisela Malokut e dhunuar dhe përndjekur nga ish i dashuri i saj, djali i deputetit Rrahman Rraja.
Duhet thënë se reagimi i tyre erdhi 1 javë pas denoncimit të oficerit të policisë, Emiljano Nuhu, ndërsa media sociale, Facebook, Instagram ishte mbushur me “meme” për këto shoqata që heshtën deri ditën e sotme.
Në deklaratën e sotme Rrjeti i Monitorimit kundër Dhunës me Bazë Gjinore deklaroi:
“Kërkojmë që institucionet të përgjigjen se pse nuk ka funksionuar sistemi në ketë rast. Ne kërkojmë të dimë nëse i është ofruar mbroja ligjore vajzës. Në emër të 50 organizatave ne kërkojmë zbardhjen e ngjarjes dhe pa zvarritje. Kemi kontaktuar me vajzën dhe i ofruam ndihmë.
I bëjmë thirrje prokurorisë të zbatojë legjislacionin penal dhe të hetojë pa anësi dhe përgjegjshmëri që çdo person që ka shkelur ligjin të vihet para drejtësisë penale. Kërkojmë nga Ministria e Brendshme të japë sqarime në lidhje me zvarritjen e rastit ndaj vajzës. Policia të sigurojë jetën e viktimës. I bëjmë thirrje Kuvendit që të siguroje të gjitha mjetet e kontrollit parlamentar me anë të komisioneve që ndjekin çësthjen e barazive gjinore”.
