Ministrja e Jashtme Olta Xhaçka ka reaguar pas deklaratës së shtetit grek lidhur me vendimin e gjykatës së Vlorës për të dhënë masën e arrestit me burg për Fredi Belerin.
Pas qëndrimit të Greqisë që e cilësoi skandaloz këtë vendim dhe që mund të ndikojë në raportet mes dy vendeve, Xhaçka bën thirrje për përmbajtje, ndërsa pohon se Fredi Beleri është kapur duke u përfshirë në aktivitet kriminal kundër zgjedhjeve të lira e të ndershme.
“Është thuajse e pamundur të kuptohet se si miqtë tanë kanë të drejtë të kundërshtojnë një vendim gjykate në vendin tonë, kur provat e forta që ata kërkonin nuk mund të ishin më dukshme.
Fredi Beleri është kapur duke u përfshirë në aktivitet kriminal kundër zgjedhjeve të lira e të ndershme. Ne nuk e kuptojmë kombësia greke mund ta përjashtojë atë nga ligji si qytetar i Shqipërisë. Ne u bëjmë thirrje miqve tanë grekë të përmbahen nga deklaratat që nuk respektojnë institucionet e pavarura të vendit tone”, shprehet Xhaçka në Tuiter./Opinion.al
