Ish ministri i Brendshëm Saimir Tahiri, ka reaguar së fundmi me një status në faqen e tij në facebook. Ai shkruan se: “Rruga për te vërteten vazhdon, çdo ore, çdo dite…deri ne fund! Faleminderit te gjithëve”.
Ky reagim i Tahirit vjen pas hetimeve intensive që ka zhvilluar Prokuroria ndaj tij, kontrollin në banesë dhe thirrjes së tij si dëshmitarë ditën e sotme.
Nga foto që Tahiri ka publikuar duket të jetë realizuar ditën e sotme kur ai u thirr në Prokurori për të dëshmuar për dy orë e 30 minuta.
Tahiri në një dalje për media u shpreh se: “Dua të falënderoj prokurorët që morën para sysh kërkesën time për të pasur një hetim sa më të shpejtë në kohë, sa më të gjithanshëm dhe sa më objektiv. Me kërkesën time u paraqita për të dhënë shpjegimet e mia dhe për të shprehur gatishmërinë sot dhe kurdoherë, deri në fund me çdo mjet timin dhe disponibilitetin tim personal për t’iu përgjigjur çdo kërkesë të prokurorisë. /Opinion.al
