Ditën e djeshme tetë eurodeputetë i dërguan një letër kryeministrit Edi Rama ku shprehnin shqetësimin e tyre për ndryshimin e Kodit Zgjedhor.
Rama tha se eurodeputetët janë të keqinformuar qëllimisht, ndërsa theksoi se opinioni i “Venecias” është i mirëpritur, por zgjedhjet e 25 prillit nuk mund të presin asnjë këshill politik.
“Më shkruanin dje 8 eurodeputetë jemi të tronditur. Për cfarë? Do i përgjigjem me shkrim. Po për cfarë janë tronditur? Si mund të presim Venencian deri në dhjetor kur ligji ka kaluar dy javë më parë, pas një procesi që ka marr vite. Për cfarë janë të tronditur? Janë të keqinformuar qëllimisht duke shfrytëzuar marrëdhëniet ndërpartiake e pastaj thonë kryeminstër shpresojmë të vesh interesat e Shqipërisë para. Pa asnjë dyshim. Shqipëria kalon një reformë, falë këtij parlamenti dhe shkon në zgjedhje. Ligji ka kaluar, kushtetuta është ndryshuar. Venecia është i mirëseardhur kur të vi do e shohim dhe do hapim një diskutim nga e para nëse do ketë nevojë. Po zgjedhjet e 25 prillit nuk presin më asnjë këshill politik.”-u shpreh Rama./ Opinion.al
