Partia e presidentit francez Emmanuel Macron ka fituar zgjedhjet e djeshme me shumicë të qartë parlamentare. Këtë treguan rezultatet e zgjedhjeve të djeshme, javë pas fitores së tij presidenciale.
Me gati të gjitha votat e numëruara, La République en Marche, së bashku me aleatët e saj MoDem, fitoi më shumë se 300 vende në Asamblenë Kombëtare të 577 vendeve.
Partia u formua pak më shumë se një vit më parë, dhe gjysma e kandidatëve të saj kanë pak ose aspak përvojë politike.
Rezultati ka larguar të gjitha partitë kryesore dhe i jep presidentit 39-vjeçar një mandat të fortë në parlament për të ndjekur planet e reformave pro-BE, dhe miqësore me biznesin.
Raundi i dytë i zgjedhjeve parlamentare kishte një pjesëmarrje të dobët të votuesve, që vlerësohet të jetë një rekord i ulët ose 47% më pak se pesë vjet më parë.
Korrespondentët thonë se kundërshtarët e z. Macron thjesht nuk kanë dashur të dalin.
Kryeministri Edouard Philippe pranoi pjesëmarrjen e ulët, duke premtuar se partia e tij do të vepronte për Francën në tërësi.
Çfarë tregojnë rezultatet?
Shumica e La République en Marche (Republika në lëvizje ose LREM) dhe MoDem – duke tejkaluar pragun prej 289 vendesh të kërkuara për të kontrolluar Asamblenë Kombëtare – do të jenë një goditje e madhe për partitë tradicionale si të majta ashtu edhe të djathta.
Republikanët konservatorë dhe aleatët e tyre mund të formojnë një bllok të madh opozitar, me 125-131 vende. Por kjo shifër është poshtë nga 200 vende në parlamentin e fundit.
