Raundi i dytë i zgjedhjeve, Erdogan mbetet president i Turqisë

Rexhep Taip Erdogan është rikonfirmuar president i Republikës së Turqisë.

Teksa janë numëruar mbi 98 për qind e kutive të votimit në të gjithë vendin, sipas agjensicë shtetërore të Turqisë Anadolu ai ka siguruar fitoren në balotazhin që u mbajt këtë të dielë kundrejt kundërshtarit të tij Kemal Këllëçdarollu, i mbështetur nga gjashtë parti opozitare.

Sipas mediave turke, Erdogan ka marrë 52.12 % të votave në këtë raund të dytë të votimeve, ndërsa Kilicdaroglu me 47.88% të votave.

E përkthyer në vota, presidenti aktual ka marrë afro 27 milionë vota, ndërsa kandidati i opozitës rreth 25 milionë.

Erdogan i cili qëndron në pushtet prej 20 vitesh, është zgjedhur President për herë të tretë. Mandati presidencial në Turqi është 5-vjeçar.

Ndërkohë, në Stamboll ka nisur festa. Mbështetësit e Erdoganit kanë dalë në rrugë duke festuar. Jashtë selisë së partisë së tij AK, janë mbledhur simpatizantët duke shkaktuar kaos në trafik.

Kujtojmë që ky ishte raundi i dytë i zgjedhjeve, pasi në rundin e parë të zgjedhjeve presidenciale që u mbajtën më 14 Maj, Erdogan doli i pari, duke fituar 49.5 për qind të votave, ndërkaq Kilicaroglu arriti të merrte 44.9 për qind të votave./Opinion.al