Kuvendi i Kosovës ka arritur të ratifikojë marrëveshjen e Demarkacionit me Malin e Zi.
Me 80 vota pro, 11 kundër dhe asnjë abstenim, deputetët e Kuvendit i dhanë “dritën e gjelbër” kësaj marrëveshje.
Kjo marrëveshje është votuar pas 4 tentativave penguese që i bëri Lëvizja Vetëvendosje përmes hedhjes së gazit lotsjellës.
Si pasojë e veprimeve të deputetëve të VV-së, shumica prej tyre u përjashtuan nga seanca.
Në momentin kur është votuar Demarkacioni, i pranishëm në seancë ka qenë vetëm deputeti i VV-së, Glauk Konjufca.
Vetëvendosje denoncoi praktikat, sipas saj antidemokratike të Kuvendit, e tha se miratimi i ligjit ishte tradhti ndaj vendit.
Por sipas koalicionit qeverisës, miratimi i ligjit është plotësimi i një kushti të rëndësishëm për liberalizmin e vizave.
Miratimi i demarkacionit u përshëndet edhe nga miqtë ndërkombëtare të Kosovës, mes të cilëve ambasadori amerikan Greg Delawie, i cili tha se kjo është një arritje e madhe dhe i hap rrugën Kosovës drejt progresit./Opinion.al
