Një kinez i prekur nga koronavirusi, ka arritur të infektojë 13 persona me të cilët udhëtoi rreth katër orë në të njejtin autobus publik, pa u prekur fare me ta.
Qendra për Kontrollin e Sëmundjeve në Kinë, ka studiuar me detaje rastin e tij, dhe ka sjellë të dhëna të frikshme për rezikshmërinë e përhapjes së Covid-19.
Personi, i njohur si “pacienti A” në studim, u diagnostifikua me COVID-19 më 22 janar. Vetëm disa ditë më parë ai kishte udhëtuar me autobuz, ndërkohë që kishte simptoma gripale.
Kamerat e sigurisë të autobuzit treguan se pacienti A ishte i ulur në rreshtin e fundit të autobuzit me një pasagjer tjetër në krah. Ai nuk preku asnjë njeri dhe nuk ndërveproi me askënd në autobus.
Megjithatë në fund të udhëtimit katër orësh, virusi ishte përhapur tek 7 pasagjerë të tjerë që kishin udhëtuar gjatë gjithë kohës më pacientin A. Mes tyre ishte dhe personi që ishte ulur afër me të por dhe dy persona që ndodheshin 6 rreshta sedilesh para tij. Por akoma më dramatik është fakti se të infektuar kanë mbetur edhe pasagjerë që kanë hipur më pas në të njejtin autobus.
Të infektuarit mund të kenë thithur piklat e lëshaura në ajër nga fryma e nxjerrë e pacientit A ose e ndonjë pasagjeri tjetër në autobus të porsa infektuar nga pacienti A.
Të nesërmen, pacienti A udhëtoi me një tjetër autobus për rreth një orë dhe infektoi dy pasagjerë të tjerë të cilët ishin ulur 4,5 metra larg tij, thuajse katër herë më shumë se sa distanca që ishte menduar se ishte e sigurt prej 1-1,5 metra.
Hulumtuesit zbuluan gjithashtu se viruset qëndruan në ajër për të paktën 30 minuta dhe që asnjë nga personat që ka pasur maskë në autobus nuk është infektuar, çka tregon se maskat mbrojtëse janë mjet efikas kur përdor transportin publik.
Ndërkohë, u zbulua që virusi mund të që ndrojë në sipërfaqe të objekteve për ditë të tëra, pasi u gjet në dorezën e derës, mbajtëset e autobuzit dhe krahët e karriges pas disa ditësh./Opinion.al
