Kreu i grupt të Partisë Socialiste Taulant Balla, ka folur për mediat pas përfundimit të mbledhjes së kryesisë së së kësah partie. Balla është shprehur se në fokus të mbledhjes së kryesisë ka qenë riorganizimi i Partisë Socialiste.
Teksa ka folur në lidhje me akuzat e bëra ndaj Valdrin Pjetrit, Balla ka theksuar se kjo është përgjegjësia e PS, por e vet Pjetrit. Ai theksoi se PS nuk ka mbrojtur asnjë person i cili ka probleme me drejtësinë, ndërsa shtoi se partia e tij i ka kërkuar falje qytetarëve për kandidimin e Pjetrit për kreun e bashkisë së Shkodrës.
Kreu i grupti të PS tha se do të ashpërsohen mekanizmat në Partinë Socialiste ndaj atyre personave që nuk deklarojnë saktë të kaluarën e tyre, sipas ligjit të dekriminalizimit.
“Valdrin Pjetri për shkak të problemeve me drejtësinë në të kaluarën dha dorëheqjen. Ai kishte kryer një vepër, që përfshihej në sferën e ndalimit të ushtrimit të funksionit publik. Kryeministri ka shprehur edhe sot gatishmërinë që personat që nuk deklarojnë të kaluarën e vet, të merren masa ndaj këtyre personave. Ligji i dekriminalizimit është ligj është i rëndësishëm. Përgjegjësia në këtë rast është personale. Dekriminalizimi bëhet përmes mekanizmave. PS do të vazhdojë të jetë forca motor e reformimit të brendshëm dhe për vendin. Ne i kemi kërkuar popullit të Shkodrës falje, por përgjegjësia është personale. PS nuk ka bërë kurrë mburojë për askënd. Nëse PD ka ushqyer Xhelal Mziun në burg, ne kurrë nuk e kemi bërë këtë. Në shkurt do të jetë Kongresi, i cili do të zgjedhë Asamblenë dhe Kryesinë. Siç e dini PS është e vetmja parti që është në proces të vazhdueshëm demokratizimi. Ne morën vendim që në strukturën e Bashkisë Shkodër të riformatojmë partinë. Kemi marrë vendim për të pasur vëmendje të veçantë. Do të jemi të gjithë të vëmendshëm për të ndjekur procesin e riformatimit të Bashkisë të Shkodrës. PS si partia më e madhe e shqiptarëve është në formatim të vazhdueshëm”,-tha Balla./ Opinion.al E.Xh.
