Prej pak ditësh Instituti i Shëndetit Publik ka konfirmuar rastin e parë me grip të tipit A në vendin tonë. Sipas përgjegjëses së Programit të Vaksinimit, Rovena Daja, gjendja shëndetësore e pacientit është e mirë dhe nuk ka nevojë për trajtim spitalor.
ISHP thekson se piku i gripit bazuar dhe në vitet e mëparshme pritet të jetë në Janar, ndaj rekomandohet dhe marrja e vaksinës kundër gripit.
Përveç kategorive të riskut dhe grupmoshës mbi 60 vjeç, specialistët rekomandojnë që vaksinën kundër gripit ta marrin dhe gratë shtatzëna.
Tashmë prej pak ditësh në Shqipëri kanë mbërritur mbi 270 mijë doza të vaksinës antigrip dhe janë shpërndarë në të gjitha qendrat shëndetësore të vendit.
Klan News
