Po nëse pacienti zero të ketë qenë në Francë më herët nga sa është thënë zyrtarisht? Këtë të diele profesor Cohen njofton se një pacient ishte testuar pozitiv që në 27 Dhjetor 2019.
“Morëm për herë të dytë të gjitha testet PCR të pacientëve të prekur nga pneumonia në Dhjetor dhe Janar dhe që kishin dalë negative. Dhe në 24 pacientë të ritestuar ne kishim patur një rast pozitiv me COVID-19, që më 27 Dhjetor, kur ai u shtrua tek ne në spitalin Jean Verdier”, tha mjeku Yves Cohen, pasditen e së dielës në televizionin BFM.
I intervistuar nga televizioni BFM, shefi i shërbimit të reanimacionit në spitalin “Jean Verdier”, Yves Cohen, ka thënë se pacienti i prekur nga koronavirusi ka qenë në Francë që në 27 Dhjetor 2019, pra gati një muaj më herët se të deklaroheshin tre rastet e para zyrtare.
“Ai kishte qenë i sëmurë 15 ditë dhe kishte kontaminuar edhe fëmijët e tij, por jo bashkëshorten”, ka deklaruar Yves Cohen.
“Ai mund të ketë qenë pacienti zero, por ndoshta mund të kemi patur edhe të tjerë në zona të tjera. Duhet ritestuar të gjitha PCR negative të pneumonive. Virusi ka qarkulluar me shumë gjasë”, ka thënë mjeku./Opinion.al
? Le Pr Yves Cohen affirme qu’un patient était atteint du Covid-19 en France dès le 27 décembre pic.twitter.com/xU9IFeD57a
— BFMTV (@BFMTV) May 3, 2020
;
