Një burrë u arrestua për sulm fizik ndaj një shoferi autobusi, i cili i kërkoi të vendoste një maskë për të hipur në autobus, tha policia të hënën. Kjo shënon edhe rastin e parë të arrestimit për një shkelje të përdorimit të detyrueshëm të maskës.
Policia në Korenë e Jugut tha që ata kishin arrestuar burrin në të 50-tat, pasi Gjykata Lindore e Seulit lëshoi një urdhër të kërkuar nga policia të shtunën.
Sipas policisë, të enjten burri sulmoi dhe ofendoi shoferin e autobusit dhe gjithashtu sulmoi një shofer tjetër, i cili u përpoq ta ndalonte atë.
Kjo ngjarje shënon rastin e parë kur një person arrestohet për shkeljen rregullit të përdorimit të maskave për transportin publik.
Politika u prezantua muajin e kaluar për të ndihmuar në parandalimin e përhapjes së koronavirusit.
Ngjarje të tilla kanë ndodhur më parë por aktet nuk janë dënuar ligjërisht. Të martën, një burrë u vendos në prangat e policisë për fyerje në një autobus, pasi shoferi i kërkoi që të vendoste një maskë. Në fund të muajit të kaluar, një burrë në të 60-at sulmoi një tjetër shofer autobusi për të njëjtën arsye. /Opinion.al
