Instituti Kombëtar i Shëndetësisë Publike në Kosovë njoftoi se në vend nuk ka asnjë person të prekur me koronavirus.
Përmes një komunikimi për media, ky institut tha se pacientja që dyshohej se ishte e prekur me COVID-19, pas ekzaminimeve ka rezultuar negative.
Më herët, për këtë rast foli ministri i Shëndetësisë , Arben Vitia, i cili tha se një person po mbahet në karantinë pasi dyshohet se mund të jetë prekur me koronavirusi. Vitia sqaroi se gjithçka është në fazën e dyshimeve dhe se rasti është i izoluar.
“Është rast i izoluar, që ka hyrë në mënyrë të izoluar. Është një rast që ka hyrë në karantinë”, tha Vitia.
Deri më tani, në Kosovë, nuk është shënuar zyrtarisht asnjë i infektuar me koronavirus, ndërsa ka pasur edhe më parë raste të dyshuara por rezultatet kanë dalë negative./Opinion.al
