Kina raportoi 11 raste të reja me koronavirus të shtunën, duke përfshirë gjashtë raste në kryeqytetin e Pekinit të cilat ngritën shqetësime për shpërthimin e një vale të dytë të koronavirusit, raporton AFP.
Shumica e rasteve të Kinës në muajt e fundit ishin shtetas të huaj të testuar teksa ktheheshin në shtëpi. Shpërthimi i pandemisë breda Kinës ishte vendosur nën kontroll. Por rastet e reja kanë bërë që zyrtarët e Pekinit të vonojnë kthimin e studentëve në shkolla fillore, dhe të pezullojnë të gjitha ngjarjet sportive dhe darkat në grup.
Autoritetet e qytetit të Premten gjithashtu mbyllën dy tregje të vizituara nga një prej personave të infektuar.
Kryetari i tregut me shumicë të mishit Xinfadi i tha Pekin News që virusi u zbulua në drurët që përdoren për të prerë salmonin të importuar.
Zinxhirët kryesorë të supermarketeve përfshirë Wumart dhe Carrefour larguan të gjitha rezervat e salmonit brenda natës në kryeqytet, por thanë që furnizimet e produkteve të tjera nuk do të preken, raportoi Pekin Daily.
Reporterët e AFP panë dhjetëra oficerë policie të vendosur në të dy tregjet. Koronavirusi i ri besohet se u transmetua nga një kafshë te njerëzit në një treg të Wuhan që shiste kafshë të egra.
Rasti i parë i ri në Pekin pas dy muajsh – i cili nuk kishte histori udhëtimesh jashtë qytetit – u raportua të enjten, dhe autoritetet konfirmuan dy raste të tjera të nesërmen. Pesë rastet e tjera të raportuara të shtunën erdhën nga jashtë vendit. /Opinion.al
