Misioni i OSBE-ODIHR ka dalë në konferencën e parë për mediat pas zgjedhjeve vendore të 14 Majit.
Drejtuesja e misionit të vëshguesve të OSBE-ODIHR, Audrey Glover, gjatë fjalës së saj shprehu shqetësimin për presionin ndaj administratës publike.
E pyetur nga gazetarët nëse kanë vënë re raste të presionit të ushtruar apo raste të shitblerjes së votës, Glover tha se ka pasur disa raste të tilla në disa qendra votimi.
Ajo vuri në dukje se ka pasur tentative për manipulime në disa zona të caktuara.
“Po vumë re votimin familjar në disa qendra votimi dhe kishte persona të cilët gjithashtu nuk dinin se si të procedonin gjatë votimit. Po pati disa zona në momente te caktuara ku ishte e qartë që po bëheshin manipulime. Pamë njerëz që vinin vërdallë qendrave të votimit që nuk kishin pse të ndodheshin aty.
E dimë se kuadri ligjor është i qartë dhe i parashtron dispozitat që duhen të ndiqen në raste të tilla”, tha Glover./Opinion.al
