Ka marrë fund mankthi i koronavirusit për modelen 23-vjeçare Bianca Dobroiu, e cila rezultonte e prekur prej 75 ditësh.
Ajo ishte një ndër të infektuarat e para me virusin në Bolonja, por arsye ende të paqarta nuk u shërua dot për më shumë se dy muaj.
“Këto ishin dy muajt më të gjatë të jetës sime”, shprehet modelja.
Ajo tregon se u shtrua në spitalin e Sant Orsola në fillim të pandemisë dhe doli prej aty më 5 mars. Prej asaj date vajza iu nënshtrua disa testeve ku rezultoi pozitive me Covid-19, deri tek i fundit që iu bë më 9 maj.
“Më thanë nga spitali se duhet ta kuptojnë më mirë situatën time. Ishin dy muaj ferri. Mendoj se duhet të bëj një shëtitje të gjatë, por edhe atë e kam harruar si bëhet”, tregon modelja.
Rasti i saj është bërë rast studimor siç konfirmohet dhe nga specialisti i sëmundjeve infektive të Sant’ Orsola Luciano Attard, i cili është shprehur:
“Me sa di unë është një rast që ka shënuar rekord. Por ekspertët nuk do të ndalen këtu, do të përpiqemi të kuptojmë pse Dobriu ka qëndruar kaq gjatë e infektuar” /Opinion.al
