Milot Rashica mund të luajë ndeshjen e parë zyrtare të këtij sezoni në Holandë që nesër, në sfidën që Viteshe zhvillon ndaj Ado Den Hag në javën e dytë të kampionatit. Mesfushori i talentuar shqiptar mungoi në ndeshjen e parë të kampionatit ndaj Vilem II për shkak të një dëmtimi, por në dy ditët e fundit është stërvitur rregullisht me grupin.
Henk Freizer deklaroi se vendimin përfundimtar për aktivizimin apo jo të mesfushorit do ta merrte vetëm në momentet e fundit, mediat holandeze janë të bindura se Rashica do të kthehet në formacion.
“Në ditët e fundit, Miloti ka arritur të stërvitet dhe të bëjë më shumë gjëra. Të shohim nëse kjo do të jetë e mjaftueshme që ai të aktivizohet në këtë ndeshje. Por situata e tij duket gjithnjë e më e mirë”, deklaroi Freizer për faqen e klubit pas stërvitjes së zhvilluar sot.
