Reagimi për vrasjen e efektivit të policisë së Kosovës Afrim Bunjaku ka ardhur edhe nga raportuesja për Kosovën në Parlamentin Evropian, Viola von Cramon.
Në një reagim në rrjetin X ajo ka dënuar sulmin ndaj policisë së Kosovës, ndërsa ka kërkuar hetime për pjesëmarrjen potenciale të strukturave të Serbisë në këtë akt.
“Pjesëmarrja potenciale e strukturave të Serbisë duhet të hetohet derisa është jetike që të merren të gjitha masat e nevojshme për të mbajtur paqen dhe rendin. Unë lus të gjithë aktorët që t’i bindin të armatosurit në Manastirin e Banjska-s që të dorëzohen pa vonesë. Dënoj fuqishëm sulmin e dhunshëm në Policinë e Kosovës dhe shpreh solidaritetin e plotë me popullin e Kosovës. Sulmi i orkestruar në policinë e Kosovës është absolutisht i papranueshëm dhe sulmuesit duhet të sillen para drejtësisë. De-eskalimi i menjëhershëm është i nevojshëm dhe përshirë edhe shtimin e numrit të forcave të KFOR-it në Veri të Kosovës”, shkroi euro-deputetja duke shprehur njëkohësisht ngushëllime në emër të Parlamentit Evropian për familjen e policit të vrarë./Opinion.al
