Julian Kasapi, gazetari i A2 CNN, ka treguar në emisionin “Opinion” eksperiencën e tij në Izrael, teksa Hamasi vijonte bombardimet.
Gazetari tregoi se bombardimet ishin të vazhdueshme dhe në vendet ku qëndronin civilët.
Një tjetër përshtypje që tregoi gazetari ishte dhe se e populli i Izraelit ishte i armatosur. Sipas tij, vajzat e reja dilnin në kafe me automatik, ndërsa disa gazetarë raportonin live me pistoletë në brez.
“Ajo që mua me të vërtetë më ka bërë përshtypje është se e gjithë popullata është e armatosur. Unë kam parë vajza të reja të cilat në vend të çantës mbanin automatik. Në kafe me automatik. Unë kam parë gazetarë që raportonin live me pistoletë në brez dhje kjo më ka bërë shumë përshtypje. Ndoshta është normale për Izraelin për popullsinë e tyre”, tha Kasapi për gazetari.
