Organizata Botërore e Shëndetësisë njofton se e shtuna ishte dita rekord, që nga nisja e pandemisë, përsa i përket numrit të personave të rinj të infektuar me koronavirus.
Sipas të dhënave të raportuara, OBSH deklaron se në 24 orët e fundit mbi 212 mijë persona rezultuan pozitivë me virusin e ri vdekjeprurës.
Shifra më të larta u raportuan nga Shtetet e Bashkuara, Brazili dhe India, ndërkohë që rekordi i mëparshëm i të infektuarve me koronavirus ishte regjistruar më 28 qershor me 189 mijë raste.
Deri në këto moment numri i përgjithshëm i personave që kanë rënë në kontakt me virusin Covid-19 në mbarë botën i kalon 11 milionë, ndërsa viktimat janë mbi gjysmë milioni. /Opinion.al
