Katër persona kanë humbur jetën dhe dhjetëra të tjerë janë plagosur nga një tornado vdekjeprurëse në SHBA.
Një seri tornadosh kanë shpërthyen në disa shtete amerikane ditën e premte, duke vrarë të paktën katër persona gjithsej. Dëme të shumta u raportuan në pjesën jugore dhe perëndimore, të cilët shpallën gjendje të jashtëzakonshme.
Një nga tornadot ka shpërthyer në kryeqytetin e shtetit të Arkansas, duke lënë të vdekur një person dhe 24 të tjerë të plagosur.
Guvernatorja e shtetit, Sarah Huckabee Sanders, konfirmoi vdekjen e dy personave në qytetin Wynne, rreth 100 milje (170 km) nga Little Rock.Më shumë se 40 raporte për tornado u raportuan në gjashtë shtete të premten mbrëma, sipas Qendrës së Parashikimit të Stuhive të qeverisë amerikane.
Departamenti i Policisë ka cilësuar disa nga qytetet “të pakalueshme”, shkak për këtë janë bërë rrugët e bllokuara nga shtyllat e rrëzuara të energjisë.
Sipas qendrave mjekësore bëhet me dije se aktualisht 5 pacientë ndodhen në gjendje kritike dhe priten të shtrohen të paktën dhe 20 pacientë të tjerë.
Presidenti Joe Biden vizitoi shtetin të premten për të shprehur ngushëllimet e tij dhe për të premtuar ndihmë federale.
Ndërkohë kujtojmë tornadon e Misisipit javën e kaluar e cila zgjati rreth një orë e 10 minuta, dëmtoi rreth 2,000 shtëpi dhe la të vdekur 26 njerëz./Opinion.al
