KLSH është kthyer në “mollë sherri” në Kuvend këtë seancë plenare.
Kreu i grupit parlamentar të PD, Gazment Bardhi kërkoi futjen e raportimit në në rend dite, ndërsa deputeti socialist Eduard Shalsi tha se KLSH nuk është ende gati për të dorëzuar një raport.
Vokshi: Po mashtroni, vetë relatorja tha nuk kemi më pyetje. Kjo jo vetëm u kalua rezoluta, por Shalsi bëri edhe një amendim, cila është arsyeja që s’po futet. Është shantazhi, mbajtja peng e institucionit i cili po zbardh skandalet e kësaj qeverie. I vetmi burim transparence, pse u thirr vetëm një nëpunëse mënyra që edhe sigurimi i shtetit do e kishte zili. Po raportit të onkologjikut?
Bardhi: Të futet në rend dite, do duhet të përmbushë detyrimin për të raportuar në këtë seancë kryetari i KLSH, kaq e thjeshtë është gjëja. Të respektojmë Kushtetutën e vendit.
Shalsi: Komisioni si çdo komision funksionon mbi bazën e një rregulloreje. Është ende jo gati për të dorëzuar një raport dhe prezantuar një rezolutë, do vijojmë punën në mënyrë që të përmbushim ato pritshmëri. Ajo zonja atje kur foli për onkologjikun ka bërë një pyetje a nuk meriton një përgjigje kur ka kallëzuar. Nuk kemi kohë për të humbur.
