Ditën e sotme u publikua në media një pjesë e raportit paraprak e Komisionit të Venecias, ku shprehej se presidenti Ilir Meta i kishte tejkaluar kompetencat e tij për anulimin e datës 30 qershor për zhvillimin e zgjedhjeve lokale.
Gjithashtu në të thuhej se shkeljet nuk janë të rënda, ndërsa vlerësimi i plotë duhet të bëhet dhe nga Kuvendi e Gjykata Kushtetuese.
Lidhur me raportin paraprak, ka reaguar zëdhënësi i Presidentit, Tedi Blushi, i cili shprehet se Meta nuk e ka shkelur Kushtetutën.
Sipas tij, Meta ka mbrojtur Kushtetutën, ndërsa ka bërë thirrje që palët politike të zgjidhin krizën dhe të plotësojnë kushtet e vendosura nga Bundestagu për hapjen e negociatave me BE.
Reagimi
ZERO SHKELJE TË KUSHTETUTËS!
HARROJINI TRAKTET e porositura ngado që të vijnë!
E dinë të gjithë shqiptarët dhe ndërkombëtarët me integritet se Presidenti i Republikës ka MBROJTUR Kushtetutën, rendin demokratik dhe pluralizmin politik, dhe ka SHMANGUR gjakderdhjen dhe Rajshtagun!
DËGJONI Bundestagun!
ULUNI URGJENT dhe ZGJIDHNI krizën e rëndë politike para se t’i shtoni kushte të tjera Shqipërisë!/ Opinion.al E.Xh.
