Nënkryetari i LSI-së, Petrit Vasili, ka folur në lidhje me raportin paraprak të Komisionit të Venecias, i cili i ka cilësuar si tejkalim të kompetencave veprimet e presidentit Ilir Meta për anulimin e zgjedhjeve lokale të 30 qershorit.
Vasili tha se; “Presidenti Meta doli dhe u bë, në kuptimin e mirë të fjalës, shumë më i fortë në raportin e tij që t’i shërbejë integritetit kushtetues dhe tërësorë të vendit.”
Ai është shprehur se Komisioni “duhet të ketë pasur pëshpërima në vesh”, ndërsa ka theksuar se Meta nuk ka Shkelur Kushtetutën.
“E kisha shuar kërshërinë time, pas deklaratë së Mimi Kodhelit që dha deklaratën , ndërsa komisioni nuk kishte mbaruar punë dhe prisja një vlerësim pa vlerësim siç qe ky i Venecias. Gjykata Kushtetuese duhet të vihet në lëvizje nga palët e interesuara dhe duhet të ishin o KQZ o maxhoranca dhe situata është kemi dekretet e pakontestuara të Presidentit. 30 qershori ishte një proces votimi i paligjshëm.
Në fund të fundit, këtu nuk kemi pasur të bëjmë me një kauzë, ka qenë një veprim taktik i PS e cila e gjetur në një “bombardim” ndërkombëtar, u përpoq të stiste një kauzë të cilën e dinte që ishte një kauzë e humbur dhe Komisioni i Venecias ka dhëne një kontribut se nuk ka një çështje të Presidenti. Ndjeva keqardhje për konsideratat politike në raport. Konsideratat politike nga një organ i Këshillit të Europës, një lloj legjitimi i zgjedhjeve pa zgjedhje më krijoi keqardhje. Duhet të ketë pasur edhe pëshpërima në vesh, kjo ishte shumë vulgare.
Presidenti Meta doli dhe u bë, në kuptimin e mirë të fjalës, shumë më i fortë në raportin e tij që t’i shërbejë integritetit kushtetues dhe tërësorë të vendit. Presidenti i Meta i ka bërë një shërbim shumë të madh”, tha Vasili./ Opinion.al E.Xh.
