Shqipëria ka bërë një regres të dukshëm në luftën kundër korrupsionit për vitin 2018.
Këtë fenomen negativ në rritje e ka bërë publike edhe Transparencë International në raportin e fundit të saj.
Shqipëria ka humbur plot 8 vende në luftën ndaj korrupsionit në vitin 2018, krahasuar me vitin 2017.
Në vitin 2017, Shqipëria renditej në vendin e 91, ndërsa në raportin e fundit renditet në vendin e 99.
Raporti ku merren në kosnderatë 180 vende të botës ka një shkallë vlerësimi nga zero pikë deri në 100 pikë.
Në raportin e fundit Shqipëria ka mundur të marrë vetëm 36 pikë.
“Duke qenë vend kandidat për anëtarësim në Bashkimin Evropian, Shqipëria është përmirësuar gjatë pesë viteve të fundit me pesë pikë, duke lëvizur nga 31 sa kishte në vitin 2013 në 36 në vitin 2018. Megjithatë ajo ka shënuar rënie për dy pikë në krahasim me vitin e kaluar. Kjo mund të jetë për shkak të një ngërçi politik që bllokoi disa reforma anti-korrupsion të ecin përpara. Me një proces të ri të vetingut dhe kuadrin institucional të kundër korrupsionit pothuajse të plotë, mbetet për t’u parë nëse Shqipëria do të përmirësojë rezultatin e saj në të ardhmen”, thuhet në raport. D.L
