Nëse do të zgjidhnim mes Kate dhe Meghan për sjellje rojale, padyshim kjo e para do të fitonte. Sado që Meghan është krahasuar shumë herë me princeshë Dianën dhe ka sjellje të ngjashme me të; pavarësisht faktit që Kate njihet si “dembelja” e familjes; kur i shohim të dyja, Kate duket si princeshë e vërtetë (na fal Meghan).
Pikërisht për këtë me siguri keni menduar se Mbretëresha e ka mirëpritur më krahë hapur nusen e re të William. Por e keni gabim. Dukeshës së Kembrixhit i është dashur të punojë fort që t’i hyjë në zemër Mbretëreshës. Nëse po mendoni se ç’është dashur të bëjë, Kate është dashur të punojë prej vërteti. Po, po!
Në fillimet e lidhjes së Kate dhe William, Mbretëreshës nuk i pëlqente aspak fakti që Kate nuk kishte një punë. Ajo kishte mbaruar studimet prej një kohe të gjatë, por nuk ishte e angazhuar. Elisabeth II e kritikonte gjithë kohës nusen e nipit të saj të madh, dhe shumë herë Kate është trishtuar.
Ajo u këshillua gjithësesi të mos shfaqte pakënaqësi sepse Elisabeth vërtetë ishte gjyshja, por në shtëpi ajo ushtron autoritetin dhe vendosmërinë e Mbretëreshës. Kjo e fundit nuk ishte dakort as me pushimet e shpeshta të çiftit të ri gjatë krizës ekonomike në Britani.
Por në fund, Kate vendosi ta dëgjojë Mbretëreshën. Ajo nuk filloi një punë “të vërtetë” (po martohej me Princ William, pse i duhet?) por u angazhua në shoqata bamirësie që punon me fëmijët. Prej këtij moment, ajo i fitoi zemrën Mbretëreshës./E.L
