Nënkryetari i Partisë Demokratike Edi Paloka i është përgjigjur Kryeministrit Rama, pas një statusi në të cilin ky i fundit, pyeste përse Berisha dhe Meta votuan pro raportit të Dick Marty-t, në një kohë kur socialistët sipas tij kishin votuar kundër.
Paloka e cilëson Ramën si projektues të ndarjes së Kosovës, ndërsa i drejtohet Kryeministrit si personi që hapi gjyqe ndaj drejtuesve politikë të saj.
“Guxon e flet per Kosoven ai qe projektoi ndarjen e saj. Flet per Kosoven ai qe ne krah te sivllaut te tij Vuçiç, lobonte me fort se serbet per t’i kaluar Mitrovicen e Veriut, Serbise. Flet per Kosoven ai qe puthej e pllaquritej me zedhenesin e Millosheviçit ne te njejten kohe qe poshteronte lidershipin politik te Kosoves dhe heronjte e gjalle te UÇK!
Mendon se e kane harruar shqiptaret ketej e andej kufirit se perpara se t’i dergonte neper gjykata, Serbia, ishe ti Edvin qe hapje gjyqe per drejtuesit politike te Kosoves! Rama edhe Kosoven e keqperdori vetem per interesa te tij . Nuk eshte rastesi qe, nen qeverisjen e Rames, s’ka patur asnje njohje, por vetem çnjohje te Kosoves”, shkruan Paloka në Facebook.
LEXO EDHE – Thaçi në Hagë, Rama-Berishës dhe Metës: Votuat pro raportit të Dick Marty
Paloka vijon argumentin e tij duke u shprehur se kontributi i Bashës dhe Berishës për Kosovën është i njohur sot, ndërsa pohon se Rama edhe sot po e përdor Kosovën për të larguar vëmendjen nga situata e rëndë në Shqipëri.
“Sa per kontributin e Lulzim Bashes, e dine mire gjithe qytetaret e Kosoves e ta thane publikisht lideret e saj politike, duke nisur nga Thaçi, per te cilin ben sikur te dhimbset sot.
Kontributi i Lulzim Bashes dhe Sali Berishes per Kosoven njihet dhe vleresohet sot nga ,çdo qytetar i saj, si gjate luftes, ne shpalljen e pavaresise dhe njohjen e saj nderkombetare. Ndersa ti Edvin je tanime i damkosur si tradhetar per çdo shqiptar ketej e andej kufirit. Turp qe sot po e perdor prape Kosoven, jo per ta ndihmuar, por thjesht per te hequr vemendjen nga situata jashtezakonisht e rende ne Shqiperi, per te cilen je ti dhe vetem ti pergjegjes!”, përfundon Paloka./Opinion.al
