Te Fundit

Raporti/ Avokatja e Shtetit: Ja se si CEZ fikte transformatorët, duke gënjyer me mospagim faturash


Bëhu pjesë e Grupit Zyrtar të Opinion.al
>> KËTU <<
               Publikuar në : 17:58 - 31/10/15 |
b.f

 

Avokatia e Shtetit ka publikuar fakte tronditëse se si CEZ vidhte konsumatorët shqiptarë madje i trajtonte ata si të ishin qytetarë të një shteti që nuk ekzistonte. Një ndër këto raste ishte edhe skema se si CEZ stakonte transfomatorët me gjoja mospagimin e faturave, por ku në fakt e gjithë kjo skeme justifikimi fshihte mungesën e investimeve. Ja se si CEZ sillej me konsumatorët duke i ndëshkuar me mungesë energjie. “Nga monitorimi është konstatuar se në Tiranë, në Nënstacionin Uzina Dinamo e Re, në fiderin 254 që del nga ky nënstacion, ishte ulur tarimi i mbrojtjes maksimale nga 240A në 200A dhe si rezultat kishte ndërprerje të vazhdueshme të energjisë elektrike, duke lënë pa energji elektrike rreth 3.571 konsumatorë. Jo vetëm kaq, por në këtë nënstacion u konstatua se transformatori ekzistues, i dëmtuar, me fuqi 10MË ishte zëvendësuar me një transformator me fuqi 6MË i cili nuk mbulonte kërkesën për energji elektrike. Gjithashtu në zonën e Postribës nga data 27.10.2012 deri me datë 02.11.2012, të gjithë fshatrat e komunës Postribë janë lënë në 90% të kohës pa energji elektrike. Punonjësit e CEZ-Shperndarje kanë mbajtur qëndrimin se energjia është ndërprerë për efekt të mospagesës së faturave të energjisë elektrike në masën 100 % nga banorët e komunës, por pas verifikimit të bërë në zyrën e postës së Postribës ka rezultuar se nga rreth 1700 abonentë që ka komuna, në muajin korrik 2012 kanë paguar faturat e energjisë në postë rreth 400 abonentë . Pavarësisht këtij fakti ÇEZ, në mënyrë abuzive, ka bërë dënim kolektiv të konsumatorëve.  Një rast flagrant ka qenë mbifaturimi i shkollës 8-vjeçare Drisht për muajt Qershor, Korrik, Gusht 2011, me 4000 këh çdo muaj, si dhe faturimi i po kësaj shkolle në muajin mars 2011 me 81428 këh. Nga ÇEZ këto veprime janë justifikuar si të detyrueshme për të shmangur humbjet, për shkak të amortizimit të rrjetit. Në fakt nga kontrollet në magazinat e ÇEZ, Enti Rregullator i Energjisë ka konstatuar se aty nuk ka materiale që duhej të ishin për nevojat që ka për mirëmbajtjen e rrjetit elektrik. Kjo është pikërisht pasojë e mosrealizimit të planit të investimeve që ÇEZ kishte për detyrë të realizonte, i miratuar nga ERE, dhe në funksion të mirëmbajtjes së rrjetit, dhe rritjes së cilësisë së shërbimit.

avokatia e shtetit

 

KOMENTO (0)

Shkruaj nje koment

    Pas