Claudio Ranieri ka thënë që Leicester City nuk do të jetë në vitin e ardhshëm në krye të tabelës.
Ky vend sipas italianit është i rezervuar për skuadrat tjera, andaj ekipi i tij duhet ta realizojë o tani o kurrë ëndrrën për titullin kampion.
“Tani është rasti i vërtetë për të fituar titullin. Ky rast vjen një herë në jetë. Në sezonin e ardhshëm, Unitedi, Chelsea, Liverpooli, City dhe Arsenali do të jenë në krye”, deklaroi Ranieri në konferencën për shtyp, para ndeshjes me Manchester Unitedin, përcjellë “Lajmi.net”.
“Është e rëndësishme për ne që të bëjmë një ndeshje perfekte në Old Trafford. Ne duhet të bëjmë paraqitjen më të mirë të sezonit. Dua ta përfundojmë këtë histori si një film amerikan, me një fund të lumtur”, shtoi tekniku italian
